مکر سنکرانتی کے موقع پر جنتا دل یونائیٹڈ کی جانب سے منعقدہ دہی۔چوڑا ضیافت پروگرام میں نتیش نے شرکت کی

پٹنہ، 14 جنوری (اے بی این) بہار کے وزیر اعلیٰ نتیش کمار بدھ کومکر سنکرانتی کے موقع پر سابق وزیر اور جنتا دل یونائیٹڈ (جے ڈی یو) کے رکن اسمبلی رتنیش سداکی رہائش گاہ پر جے ڈی یو کی طرف سے منعقدہ دہی۔چوڑا ضیافت پروگرام میں شامل ہوئے۔ اس موقع پر مسٹرسدا نے وزیر اعلیٰ مسٹر کمار کوشال اور گلدستہ پیش کر کے ان کا خیر مقدم کیا۔
اس موقع پر جے ڈی یو کے قومی ایگزیکٹیو صدر سنجے کمار جھا، آبی وسائل کے وزیر وجے کمار چودھری، جے ڈی یو کے ریاستی صدرامیش کشواہا، رکن اسمبلی شیام رجک، مسز شیلا کماری، سنتوش کمار نرالا، قانون ساز کونسل کے رکن سنجے کمار سنگھ عرف گاندھی جی، مسز کمد ورما، جے ڈی یو کے قومی جنرل سکریٹری منیش کمار ورما، پٹنہ کی میئر مسز سیتا ساہو سمیت بڑی تعداد میں پارٹی کے عہدیداران، کارکنان اور معزز شخصیات موجود تھیں۔