زلزلے، سونامی اور سیلاب سے نمٹنے کے لیے ہندوستان اور آسیان کا تعاون بڑھانے پر اتفاق، مشترکہ کوششیں تیز کرنے کا عزم


مسٹر شی نے تینوں طاقتوں پر زور دیا کہ وہ عالمی چیلنجز کا حل تلاش کرنے اور امن و استحکام برقرار رکھنے میں مثال قائم کریں۔ مسٹر ٹرمپ اور مسٹر پوتن سے کہاکہ "بڑے ممالک کے درمیان عالمی امن دنیا میں استحکام لاتا ہے
چین کے صدر شی جن پنگ نے جمعرات کو کہا کہ چین، امریکہ اور روس کے درمیان مثبت تعلقات انتخاب نہیں، بلکہ ضرورت ہیں۔ انہوں نے یہ بات امریکی صدر ڈونالڈ ٹرمپ اور روسی صدر ولادیمیر پوتن کے ساتھ تینوں ممالک کے رہنماؤں کے پہلے روبرو سہ فریقی اجلاس کی میزبانی کرتے ہوئے کہی۔مسٹر شی نے اس اجلاس کو 'غیر معمولی اہمیت' کا حامل قرار دیتے ہوئے تینوں بڑی طاقتوں سے باہمی احترام، پرامن بقائے باہمی، باہمی مفاد کے لیے تعاون اور مسلسل مذاکرات برقرار رکھنے کی اپیل کی، تاکہ غلط فہمیوں اور تنازعات کو روکا جا سکے۔
سرکاری نشریاتی ادارے سی سی ٹی وی کے مطابق، مسٹر شی نے کہاکہ "ہم مشترکہ مستقبل کی حامل برادری ہیں۔ اس عالمی گاؤں میں بڑے ممالک کی خصوصی ذمہ داریاں ہیں۔ مذاکرات کے فقدان سے شبہات بڑھیں گے اور معمولی اختلافات بڑے تنازعات میں تبدیل ہو سکتے ہیں۔"انہوں نے بڑی طاقتوں کے باہمی تعلقات کے لیے چار نکاتی تجویز پیش کی۔ اس میں باہمی احترام، پرامن بقائے باہمی، باہمی مفاد پر مبنی تعاون اور مذاکرات و رابطہ برقرار رکھنے پر زور دیا گیا۔ انہوں نے تجویز پیش کی کہ تینوں ممالک باقاعدگی سے اعلیٰ سطحی اجلاس منعقد کریں، تمام سطحوں پر مذاکرات کے ذرائع کھلے رکھیں اور غلط اندازوں سے بچنے کے لیے بحران کے وقت رابطے کا نظام قائم کریں۔
مسٹر شی نے کہا کہ چین روس کے ساتھ جامع اسٹریٹجک ہم آہنگی کی شراکت داری کو آگے بڑھانا چاہتا ہے، جبکہ امریکہ کے ساتھ اسٹریٹجک استحکام پر مبنی تعمیری تعلقات استوار کرنے کی کوشش کر رہا ہے۔ انہوں نے کہا کہ بیجنگ بڑی طاقتوں کے درمیان ایسے تعلقات کو فروغ دینا چاہتا ہے، جو 'پرامن بقائے باہمی، مجموعی استحکام اور متوازن ترقی' پر مبنی ہوں۔ اس سے تینوں ممالک کے ساتھ ساتھ پوری دنیا کو فائدہ ہوگا۔
مسٹر شی نے تینوں طاقتوں پر زور دیا کہ وہ عالمی چیلنجز کا حل تلاش کرنے اور امن و استحکام برقرار رکھنے میں مثال قائم کریں۔ انہوں نے مسٹر ٹرمپ اور مسٹر پوتن سے کہاکہ "بڑے ممالک کے درمیان عالمی امن دنیا میں استحکام لاتا ہے، جبکہ ان کے درمیان مسابقت دنیا کو صرف انتشار کی طرف لے جائے گی۔"
مسٹر شی نے کہا کہ چین، روس اور امریکہ، جنہیں انہوں نے "بڑی فاشزم مخالف طاقتیں" قرار دیا، نے 80 سال سے زیادہ عرصہ قبل مل کر جدوجہد کی تھی۔ انہوں نے کہا کہ "انہوں نے شانہ بشانہ لڑائی لڑی اور بڑی فتح حاصل کی، جس سے دنیا کو امن اور استحکام ملا۔"
چین اور امریکہ کے درمیان حالیہ برسوں میں تائیوان کے تعلق سے کشیدگی رہی ہے۔ تائیوان ایک خود مختار جزیرہ ہے، جس پر بیجنگ اپنا علاقہ ہونے کا دعویٰ کرتا ہے۔ چین نے بارہا واشنگٹن کو خبردار کیا ہے کہ تائیوان دو طرفہ تعلقات میں اس کی 'ریڈ لائن' ہے، جس کی امریکہ کو خلاف ورزی نہیں کرنی چاہیے۔ بڑی طاقتوں کے درمیان مسلسل مذاکرات اور تعاون کی مسٹر شی کی اپیل ایسے وقت میں سامنے آئی ہے، جب دنیا بھر میں جغرافیائی سیاسی کشیدگی اور اسٹریٹجک مفادات پر مسابقت جاری ہے۔
انہوں نے کہا کہ "ایسا کر کے ہم اختراع کی اپنی طاقت کو ترقی کے عوامل میں بدل سکتے ہیں اور ایشیا-بحرالکاہل خطے کی اقتصادی ترقی کو مضبوط رفتار دے سکتے ہیں۔" مسٹر شی نے کہا کہ خطے کو کھلی معیشت کی تعمیر کے لیے تجارت اور سرمایہ کاری کی رکاوٹیں دور کرنی چاہئیں اور متوازن و سب کو فائدہ پہنچانے والی ترقی کو فروغ دینا چاہیے، تاکہ کارکردگی اور انصاف دونوں یقینی بن سکیں۔مسٹر شی نے کہا کہ ایشیا-بحرالکاہل خطے میں دنیا کے چند اہم ترین خلیجی علاقے واقع ہیں، جو کھلی اور باہم مربوط معیشتوں اور مثبت اقتصادی اثرات کے لیے جانے جاتے ہیں۔ انہوں نے کہا کہ چین دنیا کے مختلف خلیجی علاقوں کے درمیان تبادلے اور روابط بڑھانے کے لیے 'ورلڈ ایسوسی ایشن فار بے ایریاز اکنامک کوآپریشن' کے قیام کی حمایت کرتا ہے۔ انہوں نے کہا کہ "اس سے ہمیں ایشیا-بحرالکاہل خطے میں مضبوط اقتصادی تعاون کے نئے راستے تلاش کرنے میں مدد ملے گی۔"مستقبل کے امکانات کا ذکر کرتے ہوئے مسٹر شی نے کہا کہ ایشیا-بحرالکاہل کے ساتھ چین کے تعلقات مسلسل گہرے ہو رہے ہیں۔ چین کا 15واں پانچ سالہ منصوبہ (2026-2030) ایشیا-بحرالکاہل خطے اور وسیع تر دنیا میں اقتصادی ترقی کو فروغ دینے کے کئی مواقع فراہم کرے گا۔ انہوں نے کہا کہ یہ ترقیاتی منصوبہ دنیا بھر کی کاروباری برادریوں کے لیے چین کی جانب سے تعاون کی دعوت ہے۔
مسٹر شی نے کہا کہ چین عالمی کاروباری برادری کو وسیع کھلی منڈی، ترقی کے وسیع امکانات اور ایسا ماحول فراہم کرے گا، جس میں باہمی تعاون ایک دوسرے کو مضبوط کرے گا۔ انہوں نے بڑی کھلی منڈی کی ترقی اور جدید صنعتی نظام کی تعمیر کے لیے چین کی تیز ہوتی کوششوں کا ذکر کیا۔ ساتھ ہی، انہوں نے دنیا بھر کی کمپنیوں کو چین میں سرمایہ کاری اور کاروبار کے لیے زیادہ مستحکم، قابلِ پیشین گوئی اور بہترین ماحول فراہم کرنے کا یقین دلایا۔ایشیا-بحرالکاہل کی کاروباری برادریوں کو عالمی معیشت کا ہراول دستہ قرار دیتے ہوئے مسٹر شی نے کہا کہ چین کی اصلاحات اور کھلے پن کے عمل اور جدیدیت کی مہم میں ان کی فعال شرکت جاری رکھنے اور چینی جدیدیت سے پیدا ہونے والے مواقع سے فائدہ اٹھانے کے لیے ان کا خیرمقدم ہے۔ سربراہ اجلاس میں روس کے صدر ولادیمیر پوتن، چلی کے صدر جوز انتونیو کاسٹ اور ملائیشیا کے وزیر اعظم انور ابراہیم سمیت ایپیک کی رکن معیشتوں کے رہنماؤں نے شرکت کی۔
چین اس سے قبل 2001 اور 2014 میں ایپیک کے اقتصادی رہنماؤں کے اجلاس کی میزبانی کر چکا ہے۔ اس سال وہ تیسری بار ایپیک اجلاس کی میزبانی کر رہا ہے۔ چین نے اس سال ایپیک کے 300 سے زائد اجلاس اور پروگرام منعقد کیے ہیں اور اقتصادی و تجارتی میدان میں دیگر رکن معیشتوں کے ساتھ تقریباً 50 عملی نتائج حاصل کیے ہیں۔
admin







