350سے زائد سپاری کلرز کی فہرست تیار ،گرفتاری کی کارروائی شروع

پٹنہ، 21 اگست2026:ریاست میں ایس ٹی ایف (خصوصی ٹاسک فورس) جرائم پیشہ کو کسی واقعہ کو انجام دینے کے بعد نہ صرف گرفتار کر رہی ہے ،بلکہ، اپنے مخصوص انٹیلی جنس نیٹ ورک اور مضبوط پولیسنگ کی بدولت، جرائم افسراد کو جرم کے ارتکاب سے پہلے بھی دبوچ رہی ہے۔ ایس ٹی ایف جو کہ محکمہ پولیس کی ایک خصوصی یونٹ ہے،اس نے پوری ریاست میں 350 سے زیادہ سپاری کلر کی فہرست مرتب کی ہے اور ان کی گرفتاری کے لیے سرگرم عمل ہے۔ یہ کوشش سپاری کلنگ نیٹ ورک کو مؤثر طریقے سے کنٹرول کر رہی ہے۔ یہ اطلاع ایس ٹی ایف کے ڈی آئی جی مسٹر سنجے کمار سنگھ نے جمعہ کو پولیس ہیڈ کوارٹر سردار پٹیل بھون کے آڈیٹوریم میں منعقدہ ایک پریس کانفرنس میں دی۔ انہوں نے بتایا کہ رواں سال جنوری سے اب تک 1716 جرائم پیشہ کو گرفتار کیا گیا ہے۔ یہ تمام جرائم پیشہ ٹاپ 10 یا ہارٹ کور جرائم پیشہ کے زمرہ میں شامل ہیں۔ ان مجرموں میں سے 63 پر ضلع اور ریاستی سطح پر انعامات کا اعلان کیا گیا ہے۔ مختلف مجرمانہ سرگرمیوں میں ملوث ستائیس مجرموں کو ریاست کے باہر سے بھی گرفتار کیا گیا ہے۔ انہوں نے بتایا کہ 94معالوں کو واقعہ ہو نے سے پہلے ہی روک دیا گیا ہے ، جن میں قتل کے 40، ڈکیتی اور اسنیچنگ کے 48 اور دیگر جرائم کے 6 معاملات شامل ہیں۔ ڈی آئی جی نے بتایا کہ گزشتہ آٹھ ماہ کے دوران پولیس نے جرائم پیشہ افراد کے ساتھ 19 مقابلے کیے جن میں تین ہلاک اور 18 زخمی ہوئے۔ انہوں نے مزید کہا کہ منظم جرائم پر قابو پانے کے لیے ضلع وارا سپیشل ٹاسک فورس کے افسران منظم گروہوں کے خلاف کارروائیاں کر رہے ہیں اور فعال گروہوں اور ان کے اراکین کے ڈیٹا بیس کی بنیاد پر گرفتاریاں کر رہے ہیں۔ زمین مافیا کی بھی نشاندہی کر کے ان کے خلاف کارروائی کی جا رہی ہے۔ ان کے غیر قانونی اثاثوں کی نشاندہی کرنے کے لیے پی ایم ایل اے پریوینشن آف منی لانڈرنگ ایکٹ کے تحت کارروائی کے لیے انفورسمنٹ ڈائریکٹوریٹ (ای ڈی) کو تجاویز بھیجی جا رہی ہیں۔
ڈی آئی جی نے بتایا کہ اس سال اب تک 33 منی گن فیکٹریوں کا پردہ فاش کیا جا چکا ہے۔ تحقیقات کے دوران 398 گھریلو اسلحے ر برآمد ہوئے جن میں ایک AK-47 رائفل اور دو INSAS رائفلیں شامل ہیں۔ مزید برآں، گولہ بارود کے 1300 راؤنڈ برآمد ہوئے۔ اس کے نیٹ ورک کو ختم کرنے کے لیے این آئی اے کی سطح پر بھی تحقیقات جاری ہیں۔ انہوں نے کہا کہ بینک، زیورات اور سونا لوٹنے والے گروہوں کے خلاف مسلسل کارروائی کی جا رہی ہے۔ اس سال تقریباً 10 کلو گرام مسروقہ سونا، 50 کلو چاندی اور 11.97 لاکھ روپے نقد برآمد ہوئے ہیں۔ کرناٹک کے میسور میں زیورات کی دکان کی ڈکیتی، مہاراشٹر کے اورنگ آباد ضلع کے داؤد نگر پولیس اسٹیشن میں ڈکیتی اور اوڈیشہ کے کوئینجھار ضلع کے باربیلا پولیس اسٹیشن میں بینک آف مہاراشٹر کی برانچ ڈکیتی سمیت کئی بڑے جرائم کو حل کرلیا گیا ہے۔ ان مقدمات میں ملوث 113 مجرموں کو گرفتار کیا گیا ہے۔ انہوں نے بتایا کہ سائبر کرائم کے 19 معاملے بھی حل کیے گئے ہیں۔ مزید برآں پٹنہ، نالندہ، جموئی، مونگیر، لکھی سرائے، بیگوسرائے، سمستی پور اور کشن گنج سے 10 مغوی افراد کو بازیاب کرایا گیا ہے۔
پریس کانفرنس میں موجود ایس پی انجنی کمار نے بتایا کہ جرائم اوردیسی اسلحہ سیل کے نیٹ ورک کو ختم کرنے کے لیے لوہے سمیت مختلف اشیا کی سپلائی نیٹ ورک کو بھی درہم برہم کر دیا گیا ہے۔ مزید برآں، STF کے پاس تین ڈرون ہیں، جو فضائی نگرانی اور ڈرون میپنگ کے لیے استعمال ہوتے ہیں۔ نو اضلاع میں ڈرون کے ذریعے 423 کلومیٹر کے علاقے کا سروے کیا گیا ہے۔ 99.86 ایکڑ میں افیون کی کاشت کو تباہ کیا گیا ہے۔ 45 بدنام زمانہ مجرموں کے ٹھکانوں کا نقشہ بنایا گیا ہے۔ اس موقع پر ایس پی امتیاز احمد بھی موجود تھے۔