کلیان ایمباپے نے گولڈن بوٹ کی دوڑ میں لیونل میسی کو پیچھے چھوڑا

انگلینڈ کے خلاف تیسرے مقام کے لیے ہفتہ کو کھیلے گئے مقابلے میں فرانس کو اگرچہ چار کے مقابلے میں چھ گول سے شکست کا سامنا کرنا پڑا، لیکن فرانس کے اسٹار فٹبالر کلیان ایمباپے نے گولڈن بوٹ کی دوڑ میں ارجنٹینا کے عظیم کھلاڑی لیونل میسی کو پیچھے چھوڑ دیا۔اس سنسنی خیز پلے آف مقابلے میں ایمباپے نے اپنے اکیسواں اور بائیسواں گول کرکے فیفا عالمی کپ کی تاریخ میں سب سے زیادہ گول کرنے والے کھلاڑیوں کی فہرست میں لیونل میسی سے آگے نکل گئے۔پہلا ہاف فرانس کے لیے انتہائی مایوس کن رہا اور ابتدائی 45 منٹ کے اختتام پر ٹیم چار صفر سے پیچھے تھی۔ تاہم 48 ویں منٹ میں ایمباپے کے گول نے فرانسیسی ٹیم کی واپسی کی امید پیدا کر دی۔ اس کے بعد بریڈلی بارکولا نے انگلینڈ کی برتری کا فرق کم کرکے دو گول کر دیا، جبکہ فرانس کے کپتان ایمباپے نے 66ویں منٹ میں ایک اور گول کرکے مقابلے کو مزید دلچسپ بنا دیا۔دیدیے دیشان کی ٹیم نے چوتھا گول بھی کیا، لیکن انگلینڈ کے بوکایو ساکا کی ہیٹ ٹرک نے فرانس کو برابری کا موقع نہ دیا، جبکہ جوڈ بیلنگھم کے چھٹے گول نے اس مقابلے کو عالمی کپ کے یادگار ترین میچوں میں شامل کر دیا۔انتالیس سالہ لیونل میسی، جو اپنا چھٹا عالمی کپ کھیل رہے ہیں، اب اتوار کو اسپین کے خلاف فائنل میں اپنی ٹیم کی قیادت کرتے ہوئے ایمباپے سے یہ اعزاز دوبارہ حاصل کرنے کا موقع رکھتے ہیں۔

میچ کے بعد ایمباپے نے میڈیا سے گفتگو کرتے ہوئے کہا، ۔"لیو ہمیشہ گول کرتے ہیں۔ مجھے یقین ہے کہ وہ کل بھی گول کریں گے۔ میری کوشش صرف یہ ہوتی ہے کہ ہر میچ میں اپنی ٹیم کے لیے گول کرنے میں مدد دوں۔ یہ درست ہے کہ جب آپ عالمی کپ میں اتنے زیادہ گول کرتے ہیں تو آپ ایک مختلف مقام حاصل کر لیتے ہیں، لیکن میرے لیے اصل اہمیت ٹیم کی کامیابی ہے۔"

ایک سوال کے جواب میں انہوں نے کہا، ۔"اگر مجھے انتخاب کرنا ہو تو میں تاریخ کا سب سے زیادہ گول کرنے والا کھلاڑی بننے کے بجائے عالمی کپ کا فائنل کھیلنے کو ترجیح دوں گا۔ البتہ یہ اعزاز بھی اہم ہے اور مجھے خوشی ہوگی اگر لوگ مجھے فٹبال کی تاریخ کے عظیم کھلاڑیوں میں شمار کریں۔"۔