آئی پی ایل 2026 کے 15ویں میچ میں لکھنؤ سپر جائنٹس (ایل ایس جی) نے کولکتہ نائٹ رائیڈرز (کے کے آر) کو ایک انتہائی دلچسپ مقابلے کے بعد 3 وکٹوں سے شکست دے کر ٹورنامنٹ میں اپنی مسلسل دوسری جیت درج کر لی ہے۔ ایڈن گارڈنز میں کھیلے گئے اس میچ کے ہیرو مکول چودھری رہے، جنہوں نے ناممکن نظر آنے والی جیت کو حقیقت میں بدل دیا۔ مکُل چودھری (ناٹ آؤٹ 54) اور آیوش بدونی (54) کی جارحانہ اننگز کی بدولت لکھنؤ سپر جائنٹس نے کولکاتا نائٹ رائیڈرز کو تین وکٹ سے شکست دینے میں اہم کردار ادا کیا ۔ یہ ٹورنامنٹ میں لکھنؤ کی مسلسل دوسری کامیابی ہے۔125 رنز پر چھ وکٹ گنوا چکی لکھنؤ ٹیم کے لیے مکُل چودھری جیت کے اصل ہیرو ثابت ہوئے۔ انہوں نے 27 گیندوں پر دو چوکے اور سات چھکے لگا کر ناٹ آؤٹ 54 رنز بنائے اور ٹیم کو سات وکٹ پر 182 رنز تک پہنچاتے ہوئے سنسنی خیز انداز میں فتح دلائی۔ 182 رنز کے ہدف کے تعاقب میں لکھنؤ سپر جائنٹس کی جانب سے مچل مارش اور ایڈن مارکرم کی اوپننگ جوڑی نے پہلے وکٹ کے لیے 41 رنز جوڑے۔ پانچویں اوور میں ویبھو اروڑا نے ایڈن مارکرم (22) اور مچل مارش (15) کو آؤٹ کر کے کولکاتا کو دوہری کامیابی دلائی۔اس کے بعد کپتان رشبھ پنت اور آیوش بدونی نے اننگز کو سنبھالنے کی کوشش کی، تاہم نویں اوور میں کیمرون گرین نے رشبھ پنت (10) کو آؤٹ کر دیا۔ نکولس پورن (13) اور عبدالصمد (2) بھی زیادہ دیر وکٹ پر نہ ٹھہر سکے۔ پندرھویں اوور میں انکُل رائے نے آیوش بدونی کو آؤٹ کر کے لکھنؤ کو بڑا دھچکا دیا۔ بدونی نے 34 گیندوں پر سات چوکے اور دو چھکے لگا کر 54 رنز کی اہم اننگز کھیلی۔ اگلے ہی اوور میں سنیل نرائن نے محمد شامی کو پویلین واپس بھیج آدیا۔اس کے بعد مکُل چودھری نے تن تنہا دونوں سروں سے جارحانہ بیٹنگ کرتے ہوئے چھکوں کی بارش کر دی اور آخری گیند پر ایک رن لے کر ٹیم کو یادگار فتح دلائی۔کولکاتا نائٹ رائیڈرز کی جانب سے ویبھو اروڑا اور انکُل رائے نے دو، دو وکٹ حاصل کیے، جبکہ سنیل نرائن، کارتک تیاگی اور کیمرون گرین نے ایک، ایک کھلاڑی کو آؤٹ کیا۔
