مغربی بنگال میں مسلمانوں کو صرف ووٹ کے لیے استعمال کیا گیا: اسد الدین اویسی

کولکاتا: مغربی بنگال اسمبلی انتخابات سے پہلے آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی بدھ کو مرشد آباد پہنچے۔ انہوں نے الزام لگایا کہ مغربی بنگال میں حکمراں ترنمول کانگریس اور دیگر سیاسی جماعتوں نے مسلمانوں کو صرف ووٹوں کے لیے استعمال کیا ہے، لیکن ان کی ترقی کے لیے کوئی ٹھوس کام نہیں کیا ہے۔اویسی نے یہ دعویٰ مرشد آباد ضلع کے نودا میں ہمایوں کبیر کی زیرقیادت عام جنتا اُنان پارٹی (اے جے یو پی) کے امیدواروں کی حمایت میں ایک انتخابی ریلی سے خطاب کرتے ہوئے کیا۔ انہوں نے کہا کہ گزشتہ 50 سالوں میں مسلم کمیونٹی نے کانگریس، بایاں محاذ اور ترنمول کانگریس کو ووٹ دیا ہے، لیکن ان کے حالات میں کوئی بہتری نہیں آئی ہے۔اویسی نے کہا، ''ہم نے مغربی بنگال میں سیاسی فیصلہ سازی کے عمل میں زیادہ نمائندگی اور مسلمانوں کی حقیقی ترقی کو یقینی بنانے کے لیے کبیر کے ساتھ ہاتھ ملایا ہے۔ ہم مل کر ممتا بنرجی اور ان کی پارٹی کو ایک دھچکا لگائیں گے۔''انہوں نے کہا کہ اب وقت آگیا ہے کہ مسلم کمیونٹی سے ایسے لیڈروں کو منتخب کیا جائے جو ان کی معاشی ترقی کو یقینی بناسکیں۔294 رکنی مغربی بنگال اسمبلی کے لیے انتخابات دو مرحلوں میں 23 اپریل اور 29 اپریل کو ہوں گے، ووٹوں کی گنتی 4 مئی کو ہوگی۔