ڈی ایم کے اپوزیشن کا کردار ادا کرے گی، حکومت کی تشکیل میں رکاوٹ نہیں بنے گی: اسٹالن

دراوڑ منیترا کزگم (ڈی ایم کے) کے صدر اور تمل ناڈو کے کارگزار وزیر اعلیٰ ایم کے اسٹالن نے اسمبلی انتخابات کے نتائج کے بعد اتحادی جماعتوں کا شکریہ ادا کرتے ہوئے کہا ہے کہ ان کی پارٹی تعمیری اپوزیشن کا کردار ادا کرے گی اور ریاست میں مستحکم حکومت کی تشکیل میں رکاوٹ نہیں ڈالے گی۔
مسٹر اسٹالن نے ہفتہ کے روز ایک جذباتی پیغام میں اپنے والد اور مرحوم رہنما ایم کروناندھی 'کلائنر کو یاد کرتے ہوئے تمل عوام اور پارٹی کارکنوں سے خطاب کیا۔ انہوں نے کہا کہ انتخابی نتائج ایسے رہے ہیں جن میں کسی بھی جماعت کو حکومت بنانے کے لیے واضح اکثریت حاصل نہیں ہوئی، لیکن ڈی ایم کے کی قیادت والے سیکولر پروگریسو اتحاد کو نمایاں عوامی حمایت حاصل ہوئی ہے۔
انہوں نے کہا کہ وہ پہلے ہی میڈیا سے گفتگو میں واضح کر چکے تھے کہ ڈی ایم کے نئی حکومت کی تشکیل میں کوئی رکاوٹ نہیں ڈالے گی اور ایک تعمیری اپوزیشن کے طور پر کام کرے گی۔
مسٹر اسٹالن نے کہا کہ پارٹی اراکینِ اسمبلی کی میٹنگ میں انہیں فیصلہ لینے کا اختیار دیا گیا تھا اور انہوں نے پارٹی مفاد کو مدنظر رکھتے ہوئے سینئر رہنماؤں سے مشاورت کے بعد فیصلہ کرنے کی بات کہی تھی۔
انہوں نے کہا کہ ایسی صورتحال میں جب کسی بھی جماعت کو اکثریت حاصل نہ ہو کئی متبادل تجاویز سامنے آتی ہیں۔ ان کے مطابق، اتحادی جماعتیں جو بھی فیصلہ کریں، اس کا احترام کیا جانا چاہیے تاکہ ریاست میں ایک مستحکم حکومت قائم ہو اور دوبارہ انتخابات کی نوبت نہ آئے۔
مسٹر اسٹالن نے اتحادی جماعتوں کے اس فیصلے کا خیر مقدم کیا جس میں انہوں نے تمل ناڈو وکٹری فیڈریشن (ٹی وی کے) کو حکومت سازی کے لیے حمایت دینے کی بات کہی جبکہ نظریاتی بنیاد پر ڈی ایم کے کی قیادت والے سیکولر پروگریسو اتحاد میں برقرار رہنے کا اعلان بھی کیا۔
انہوں نے کانگریس پر بالواسطہ تنقید کرتے ہوئے کہا کہ اتحاد کے ٹکٹ پر کامیاب ہونے والے کانگریس اراکینِ اسمبلی شکریہ ادا کرنے انا اریوالیم نہیں آئے اور اسی دن کانگریس نے ڈی ایم کے سے دوری اختیار کر لی۔
اس کے برعکس، انہوں نے کمیونسٹ پارٹی آف انڈیا، ودوتھلئی چِرُتھئیگل کاچی اور دیگر اتحادی جماعتوں کے رہنماؤں کا خصوصی شکریہ ادا کیا، جنہوں نے ڈی ایم کے کے ساتھ مل کر تمل ناڈو کے حقوق اور عوامی مفادات کے لیے جدوجہد جاری رکھنے کی بات کہی۔
دراوڑ منیترا کزگم (ڈی ایم کے) کے صدر اور تمل ناڈو کے کارگزار وزیر اعلیٰ ایم کے اسٹالن نے ہفتہ کے روز کانگریس کے تئیں ناراضگی ظاہر کرتے ہوئے کہا کہ جہاں اتحاد کے دیگر ساتھیوں نے ریاست کی ترقی میں ڈی ایم کے کا ساتھ دینے کا وعدہ کیا، وہیں کانگریس نے نتائج والے دن ہی پارٹی سے رشتہ توڑ لیا۔
مسٹر اسٹالن نے کہا، جو کانگریس اراکینِ اسمبلی اتحاد کے نام پر انتخاب لڑے اور کامیاب ہوئے، وہ شکریہ ادا کرنے کے لیے پارٹی دفتر انا اریوالیم بھی نہیں آئے۔ کانگریس پارٹی نے اسی دن ڈی ایم کے سے اپنا ناطہ توڑ لیا۔
اس کے برعکس انہوں نے کمیونسٹ پارٹی آف انڈیا، ودوتھلئی چِرُتھئیگل کاچی اور دیگر اتحادی جماعتوں کے رہنماؤں کا خصوصی شکریہ ادا کیا، جنہوں نے ڈی ایم کے کے ساتھ مل کر تمل ناڈو کے حقوق اور عوامی مفادات کے لیے جدوجہد جاری رکھنے کی بات کہی۔
انہوں نے کہا، اسی دوران کمیونسٹ رہنما کامریڈ شنموگم اور کامریڈ ویراپانڈیئن نے ودوتھلئی چِرُتھئیگل کاچی پارٹی کے رہنما تھرُماولون کے ساتھ مل کر یہ اعلان کیا کہ وہ ڈی ایم کے کے ساتھ مل کر کام جاری رکھیں گے اور تمل ناڈو کے حقوق اور عوام کی فلاح کے لیے جدوجہد کریں گے۔ اس طرح انہوں نے باہمی بھائی چارے کے جذبے کا اظہار کیا اور ڈی ایم کے پر اپنا اعتماد ظاہر کیا۔
مسٹر اسٹالن نے کہا کہ وہ ایسے آزمائشی وقت میں ساتھ کھڑے رہنے پر پروفیسر کے ایم قادر محی الدین، وائیکو، پریم لتا وجئے کانت، پروفیسر جواہر اللہ، ایشورن اور تمیم انصاری سمیت اتحادی جماعتوں کے رہنماؤں کے شکر گزار ہیں۔انہوں نے کہا کہ گزشتہ پانچ برسوں میں ان کی حکومت نے تمل ناڈو کو ہر شعبے میں آگے بڑھایا اور کئی فلاحی منصوبوں کے ذریعے عوام تک فوائد پہنچائے۔ مسٹر اسٹالن نے امید ظاہر کی کہ نئی حکومت خواتین، نوجوانوں، طلبہ، بچوں، محروم طبقات اور سرکاری ملازمین سے متعلق منصوبوں کو جاری رکھے گی تاکہ ریاست کی ترقی کا سلسلہ برقرار رہے۔اپنے بیان میں مسٹر اسٹالن نے کہا کہ ان کی پارٹی تعمیری اپوزیشن کا کردار ادا کرے گی اور ریاست میں مستحکم حکومت کی تشکیل میں کوئی رکاوٹ نہیں ڈالے گی۔