بہار کے تمام اضلاع اور بلاکوں میں ہاکی کا انعقاد کیا جائے گا: شرون کمار

ہاکی کو بہار کے تمام اضلاع اور بلاکوں تک پھیلایا جائے گا۔ اس کے لیے کھیل کو ہر طرح سے منظم کیا جائے گا۔ اس سے دیہی اور دور دراز علاقوں سے تعلق رکھنے والے باصلاحیت کھلاڑیوں کو اپنی صلاحیتوں کا مظاہرہ کرنے کا کافی موقع ملے گا۔ یہ باتیں دیہی ترقیات، اطلاعات اوررابطہ عامہ کے وزیر اور بہار ہاکی ایسوسی ایشن کے صدر جناب شراون کمار نے اتوار کو ہاکی ایسوسی ایشن آف بہار کے سالانہ اجلاس میں کہیں۔ انہوں نے کہا کہ بہارہاکی ایسوسی ایشن کا مقصد ریاست میں نچلی سطح پر ہاکی کو فروغ دینا ہے۔
اس پروگرام کا انعقاد پٹنہ کے ایس آر گارڈن میں ہوا۔پروگرام میں سال 2025-26 کے کام کا جائزہ لیا گیا اور آئندہ سال 2026-27 کے لیے تفصیلی ایکشن پلان پر تبادلہ خیال اور منظوری دی گئی۔
مسٹر شر ون کمار نے دلت شوشت سمدھان ودیالیہ کے ہاکی کھلاڑیوں کو گریفائٹ ہاکی اسٹک دے کرکے ان کی حوصلہ افزائی کی اور ان کے روشن مستقبل کی خواہش کی۔ انہوں نے کہا کہ ایسوسی ایشن اور حکومت مشترکہ طور پر اس بات کو یقینی بنانے کے لیے ضروری کوششیں کریں گے کہ وسائل کی کمی باصلاحیت کھلاڑیوں کی ترقی میں رکاوٹ نہ بنے۔
وزیر موصوف نے کہا کہ آنے والا وقت بہار کے ہاکی کھلاڑیوں کے لیے سنہری مواقع لے کر آئے گا۔ بہار حکومت اس کھیل اور اس کے کھلاڑیوں کی ترقی کے لیے پوری طرح پرعزم ہے۔ ہاکی ایسوسی ایشن حکومت کے ساتھ مل کر ریاست میں ہاکی کی ترقی کے لیے بڑے پیمانے پر کام کرے گی اور بہار کو ملک کی سرکردہ ہاکی ریاستوں میں شامل کرنے کی ہر ممکن کوشش کرے گی۔
پروگرام میں این ایس ایف سمیت متعینہ ایجنڈوں کو متفقہ طور پر منظور کیا گیا۔ ساتھ ہی ایسوسی ایشن کے باقاعدہ کام اور مختلف سرگرمیوں کے بہتر نفاذ کو یقینی بنانے کے لیے مختلف کمیٹیاں تشکیل دی گئیں اور ان کے چیئرمین مقرر کیے گئے۔ ایسوسی ایشن کے سیکریٹری رانا پرتاپ سنگھ نے کارگزاری پیش کی، جبکہ خزانچی نے ایسوسی ایشن کے اکاؤنٹس اور سالانہ مالیاتی بیان پیش کیا۔ مختلف ضلعی یونٹس کے نمائندوں کے ساتھ تفصیلی بات چیت کی گئی اور مستقبل کے لائحہ عمل اور پروگرام پر بھی تبادلہ خیال کیا گیا۔
میٹنگ کے اختتام پر، انوبھا سنگھ نے تمام عہدیداروں، ضلعی اکائیوں اور موجود اراکین کا شکریہ ادا کیا۔ سالانہ اجلاس عام میں ایسو سی ایشن کے عہدیداران، مختلف ضلعی اکائیوں کے نمائندوں اور دیگر ممبران نے شرکت کی۔