پھلواری شریف نگر پریشد میں 80ویں یومِ آزادی پر شان سے لہرایا ترنگا

پھلواری شریف: 80ویں یومِ آزادی کے موقع پر نگر پریشد، پھلواری شریف کے دفتر میں قومی پرچم کشائی کی تقریب جوش و خروش اور حب الوطنی کے جذبے کے ساتھ منعقد ہوئی۔ نگر پریشد کے ایگزیکٹو آفیسر دیپک جھا نے قومی پرچم لہرایا اور موجود لوگوں کو یومِ آزادی کی مبارکباد پیش کی۔اس موقع پر وارڈ پارشدوں کے علاوہ متعدد سماجی کارکن اور مقامی افراد بھی موجود تھے۔ تقریب میں شرکاء نے قومی پرچم کو سلامی پیش کرتے ہوئے ملک کی اتحاد، سالمیت اور جمہوری اقدار کو مضبوط بنانے کے عزم کا اظہار کیا۔تقریب میں موجود عوامی نمائندوں، سماجی کارکنوں اور نگر پریشد کے اہلکاروں نے آزادی کے لیے اپنی جانوں کا نذرانہ پیش کرنے والے مجاہدینِ آزادی کی قربانیوں کو یاد کیا اور ملک کی ترقی، بھائی چارے اور سماجی ہم آہنگی کے لیے مل جل کر کام کرنے کا عہد کیا۔اس موقع پر سید شجاع الدین فیض احمد، محمدنوشاد، محمد سعود، عقیل عباس، آنند کمار سمیت دیگر معزز افراد اور سماجی کارکنان موجود رہے۔تقریب کا ماحول حب الوطنی کے جذبات سے سرشار رہا۔ شرکاء نے پورے احترام کے ساتھ قومی پرچم کو سلام پیش کیا اور ملک کی ترقی و خوشحالی کے لیے نیک خواہشات کا اظہار کیا۔