ریاستی بی جے پی دفتر میں سنجے سراوگی نے پرچم کشائی کی

پٹنہ، 15 اگست : 80ویں یومِ آزادی کے پروقار موقع پر بہار بھارتیہ جنتا پارٹی (بی جے پی) کے صدر سنجے سراوگی نے ہفتے کے روز پٹنہ میں واقع بی جے پی کے ریاستی دفتر میں قومی پرچم ترنگا لہرایا۔
مسٹر سراوگی نے پرچم کشائی کے بعد قومی پرچم کو سلامی دی اور ملک کی آزادی کے لیے اپنا سب کچھ قربان کرنے والے بہادر مجاہدینِ آزادی اور لازوال شہدا کو عقیدت کے ساتھ سلام پیش کیا۔ اس موقع پر کارکنان میں جلیبیاں تقسیم کی گئیں۔ اس موقع پر مسٹر سنجے سراوگی نے تمام ہم وطنوں اور بہار کے عوام کو یومِ آزادی کی دلی مبارکباد اور نیک خواہشات پیش کیں۔ انہوں نے کہا کہ یومِ آزادی صرف جشن منانے کا موقع نہیں، بلکہ ملک کی آزادی کے لیے اپنی جانوں کا نذرانہ پیش کرنے والے بہادروں کی قربانی، جدوجہد اور ایثار کو یاد کرنے کا دن ہے۔
مسٹر سراوگی نے کہا کہ ماں بھارتی کی آزادی کے لیے لاتعداد بہادروں نے اپنا سب کچھ نچھاور کر دیا۔ ان کی جدوجہد اور قربانی کی بدولت آج ہم وطن آزاد فضا میں اپنے خوابوں کو شرمندۂ تعبیر کر رہے ہیں۔ مجاہدینِ آزادی کی قربانیوں کو ملک کبھی نہیں بھول سکتا۔ آج کا دن ہر ہندستانی کے اندر حبِ الوطنی اور ملک کے تئیں ذمہ داری کے جذبے کو مزید مضبوط کرنے کا موقع ہے۔ انہوں نے کہا کہ وزیر اعظم نریندر مودی کی قیادت میں ملک ترقی اور خود انحصاری کی سمت تیزی سے آگے بڑھ رہا ہے۔ ہندستان آج دنیا کے سامنے اپنی صلاحیت، طاقت اور کامیابیوں کا تعارف پیش کر رہا ہے۔ ترقی یافتہ اور خود انحصار ہندستان کے عزم کو پورا کرنے کے لیے معاشرے کے ہر طبقے کی فعال شرکت ضروری ہے۔