تمام بی ایڈ کالجوں میں مرحلہ وار ڈگری کالج کھولے جائیں گے

پٹنہ : (اے بی این ) وزیر اعلیٰ سمراٹ چودھری نے آج مونگیر ضلع کے تارا پور میں تعلیم اور پولیس کے بنیادی ڈھانچے سے متعلق اہم پروجیکٹوں کا افتتاح کر کے علاقے کے لوگوں کو کو ایک بڑا ترقیاتی تحفہ دیا۔ وزیر اعلیٰ نے تارا پور اسمبلی حلقہ کے سرسوتی ودیا نکیتن (ماڈل اسکول) کے طور پر منتخب ہائی اسکولوں کا بھی افتتاح کیا۔ ان ماڈل اسکولوں میںا سمارٹ کلاسز، جدید سائنس لیبارٹریز، کمپیوٹر لیب، ڈیجیٹل تعلیمی سہولیات اور ایک بھرپور لائبریری ڈیولپ کی گئی ہے۔ اس اسکیم کے تحت+2 کسان ویدک ہائی اسکول ،لونا (تارا پور)، اپ گریڈ شدہ ہائر سیکنڈری اسکول، گلونی، آر این ایم ہائی اسکول، رنگرام، سیتا دیوی جگموہن ساہ +2 گرلز ہائی اسکول، اسر گنج، اپ گریڈ شدہ ہائر سیکنڈری اسکول،چارکھنڈ، رانی پربھاوتی ہائی اسکول، سنگرام پور، پبلک ہائی اسکول بڑونیا،+2ہائی اسکول منجھگائیں پنچکماری گرلس ہائی اسکول ، حویلی کھڑگپور اور گاندھی میموریل +2 ہائی اسکول، مظفر گنج سمیت کئی اسکولوں کو ماڈل اسکول کی شکل میں فروغ دیا گیا ہے ۔وزیراعلیٰ نے اسکول کے احاطے میں اسمارٹ کلاس، سائنس لیب، لائبریری اور کلاس روم کا معائنہ کیا اور طلباء سے بات چیت کی تاکہ ان کی پڑھائی کے حوالے سے معلومات حاصل کی جاسکیں۔ اس دوران وزیر اعلیٰ نے معیاری تعلیم کو یقینی بنانے کے لیے افسران کو ضروری ہدایات بھی دیں۔
اس کے بعد وزیر اعلیٰ نے تارا پور بلاک کے ہرپور میں نو تعمیر شدہ ماڈل پولیس اسٹیشن کی عمارت کا افتتاح کیا۔ افتتاح کے بعد وزیراعلیٰ نے تھانے کی عمارت کا معائنہ کیا اور فراہم کی جانے والی سہولیات کے بارے میں دریافت کیا۔ حکام نے بتایا کہ عمارت میں تمام ضروری سہولیات ہیں جن میں عوامی سماعت، ریکارڈ مینجمنٹ، مانیٹرنگ کنٹرول روم، خواتین اور بچوں کی دیکھ بھال کا کمرہ، وائرلیس اور کمپیوٹر روم شامل ہیں۔
وزیر اعلیٰ نے کہا کہ ریاستی حکومت پولیس نظام کو جدید، مضبوط اور متحرک کرنے کے لیے مسلسل کام کر رہی ہے۔ پولیس اسٹیشن کی جدید عمارتوں، پولیس لائنز، ٹریننگ سینٹرز اور دیگر پولیس انفراسٹرکچر کی تعمیر سے لاء اینڈ آرڈر میں اضافہ ہوگا، جرائم پر قابو پانے اور فوری کارروائی کی صلاحیت میں اضافہ ہوگا۔اس کے بعد وزیر اعلیٰ نے اسر گنج جلال آباد کے اسر گنج میں رامانند اور پارسی رام ہائی اسکول کیمپس میں گورنمنٹ ڈگری کالج کا افتتاح کیا۔
اس موقع پر وزیر اعلیٰ نے کہا کہ سات نشچے 3 کے تحت ریاستی حکومت کا مقصد ہر بلاک میں ایک ڈگری کالج قائم کرکے دیہی علاقوں کے طلباء کو ان کے گھروں کے قریب اعلیٰ تعلیم فراہم کرنا ہے۔ انہوں نے کہا کہ تارا پور کے لوگوں نے انہیںرکن اسمبلی منتخب کر کے ان پر جو اعتماد کیا ہے اسے وہ پوری طرح پورا کریں گے۔ انہوں نے کہا کہ اسر گنج ڈگری کالج کا وعدہ آج پورا ہو گیا ہے۔ وزیر اعظم جناب نریندر مودی، سابق وزیر اعلیٰ جناب نتیش کمار، اور این ڈی اے قیادت کی حمایت سے بہار کی ترقی کا وعدہ تیزی سے پورا ہو رہا ہے۔
وزیر اعلیٰ نے کہا کہ پہلے مشکلات اور وسائل کی کمی کی وجہ سے پہلے غریب خاندانوں کے بچے NEET اور JEE جیسے مسابقتی امتحانات کی تیاری نہیں کر پاتے تھے۔لیکن اب ہر بلاک میں اعلیٰ تعلیم اور معیاری تعلیم کے انتظامات کیے جا رہے ہیں۔ انہوں نے کہا کہ حال ہی میں ریاست کے مختلف بلاکوں میں 211 نئے سرکاری ڈگری کالج کھولے گئے ہیں۔ یہ تعداد اب بڑھ کر 212 ہو گئی ہے۔انہوں نے کہا کہ بہار کے تمام بی ایڈ میں ڈگری کالج بھی مرحلہ وار ڈگری کالج کھولے جائیں گے۔ تمام بلاکوں میں لائیو کلاسز کی سہولتیں دستیاب ہوں گی، اور ایک ڈیجیٹل ایپ کے ذریعے طلباء رات 11 بجے تک اساتذہ سے آن لائن رہنمائی حاصل کر سکیں گے۔ انہوں نے کہا کہ سرکاری اسکولوں میں اب ہفتہ کے روز آدھے دن کی کلاسیں ہوں گی۔ طلبہ کی ہمہ جہت ترقی کے لیے تعلیم کے ساتھ ساتھ کھیلوں کے بھی بہتر انتظامات کیے جا رہے ہیں۔ اسر گنج اسکول کے سامنے کھیل کے میدان کو تیار کیا جائے گا۔
وزیر اعلیٰ نے کہا کہ تارا پور میں صنعتیں قائم کی جائیں گی اور ایک بین الاقوامی ایئر پورٹ تیار کیا جائے گا، جس کے لیے زمین کے حصول کا عمل شروع ہو چکا ہے۔ اس سے بہار میں اس خطے کے نوجوانوں کو روزگار کے مواقع ملیں گے اور مونگیر اور تارا پور ترقی کے نئے مراکز بنیں گے۔ انہوں نے کہا کہ سلطان گنج سے بابا دھام تک کنور یاترا سماجی ہم آہنگی کی ایک شاندار مثال ہے۔ ایک ہی رنگ کے کپڑے پہن کر اور اسی جذبے کے ساتھ، عقیدت مند بابا بیدیا ناتھ کے جلبھیشیک کرنے کے لیے 100 کلومیٹر سے زیادہ پیدل چلتے ہیں۔ سماجی مساوات کی اس سے بڑی مثال دنیا میں کم ہی ملتی ہے۔
اس موقع پر ڈی جی پی مسٹر ونے کمار، ڈیولپمنٹ کمشنر مسٹر مہیر کمار سنگھ، وزیر اعلیٰ کے سکریٹری مسٹر لوکیش کمار سنگھ، ڈویژنل کمشنر مسٹر پریم سنگھ مینا، مونگیر رینج کے ڈپٹی انسپکٹر جنرل آف پولیس مسٹر راکیش کمار، ایڈیشنل ڈائرکٹر جنرل آف پولیس-کم-چیئرمین-کم-منیجنگ ڈائریکٹر بہار پولس بلڈنگ کنسٹرکشن کارپوریشن مسٹر پنکج کماردارار ، ڈی ایم مسٹر نکھل نیپانکر ، ایس پی سید عمران مسعود ، مونگیر یونیورسٹی کے وائس چانسلر پروفیسر (ڈاکٹر) سنجے کمار سمیت عوامی نمائندے ، افسران اور بڑی تعداد میں دیگر لوگ موجودتھے۔