چیف سکریٹری نے متعدد منصوبوں کا تفصیل سے جائزہ لیا

پٹنہ، 20 اپریل (اے بی این) چیف سکریٹری پرتیے امرت نے پیر کو شمالی کوئل ریزروائر اسکیم کے بقیہ کاموں کی پیش رفت کا تفصیلی جائزہ لیا۔ 1367.61 کروڑ روپے کی کل لاگت والے اس اہم منصوبے کی موجودہ صورتحال اور مستقبل کے لائحہ عمل پر تبادلہ خیال کرنے کے لیے یہ اجلاس منعقد کیا گیا تھا۔ جائزے کے دوران یہ معلومات دی گئی کہ منصوبے کے تحت رائٹ مین کینال کا کل کام اب تک 55.04 فی صد مکمل ہو چکا ہے۔ گزشتہ 13 دنوں میں 4.11 فی صد کی جسمانی ترقی ریکارڈ کی گئی ہے۔ منصوبے کی مجموعی جسمانی پیش رفت اس وقت 29.97 فی صد ہے۔
اجلاس میں افرادی قوت (مین پاور) اور مشینری کی صورتحال پر بھی بات چیت ہوئی۔ فی الوقت پروجیکٹ سائٹ پر 571 اہلکار اور مختلف مشینری جیسے ایکسکیویٹر، ڈمپر اور لائننگ پیور تعینات ہیں۔ اورنگ آباد اور گیا اضلاع میں زمین کے حصول کا عمل آخری مراحل میں ہے۔ اورنگ آباد میں کل 41.251 ہیکٹر اراضی میں سے زیادہ تر حاصل کر لی گئی ہے اور بقیہ کے لیے 30 اپریل 2026 تک کی ڈیڈ لائن مقرر کی گئی ہے۔ اسی طرح گیا میں بھی زمین کے حصول کے کاموں کو جلد مکمل کرنے کا ہدف ہے۔
مسٹر امرت نے جائزے کے بعد گزشتہ 13 دنوں کی 4.11 فی صد ترقی کا نوٹس لیتے ہوئے حکام کو ہدایت دی کہ کام کی رفتار کو مزید تیز کیا جائے تاکہ مون سون سے پہلے زیادہ سے زیادہ ہدف حاصل کیا جا سکے۔ انہوں نے ضرورت کے مطابق افرادی قوت اور مشینری کی تعداد بڑھانے کی ہدایت دی تاکہ کسی بھی سطح پر کام نہ رکے۔ انہوں نے ضلع انتظامیہ کو زمین کے حصول سے متعلق زیر التوا معاملات کو مقررہ تاریخ (30 اپریل 2026) تک لازمی طور پر حل کرنے کی ہدایت دی۔
انہوں نے تعمیراتی کاموں کے معیار کے ساتھ کوئی سمجھوتہ نہ کرنے اور ہیڈ کوارٹر سطح کے افسران کے ذریعے باقاعدگی سے سائٹ کا معائنہ کرنے کی تاکید کی۔ انہوں نے تقسیم کے نظام سے متعلق زیر التوا ٹینڈرز اور تکنیکی جانچ کو جلد مکمل کرنے کی ہدایت دی، تاکہ کمانڈ ایریا میں پانی پہنچانے کا کام متاثر نہ ہو۔
بختیار پور-تاج پور گنگا مہاسیتو پروجیکٹ کا جائزہ لیا
چیف سکریٹری پرتییہ امرت نے پیر کو ریاست کے اہم بنیادی ڈھانچے کے پروجیکٹ 'بختیار پور (این ایچ - 31) سے تاج پور (این ایچ -28) کے بیچ گنگا ندی پر گرین فیلڈ مہاسیتو' کے باقی ماندہ کاموں کی پیش رفت کا تفصیلی جائزہ لیا۔1822.23 کروڑ روپے کی بقایا لاگت والے اس پروجیکٹ کے جائزہ کے دوران چیف سکریٹری مسٹر امرت نے کام کی موجودہ رفتار کو ہدف کے مطابق تیز کرنے پر زور دیا۔
چیف سکریٹری مسٹر امرت نے ہدایت دی کہ سی ایف ٹی سیٹوں کی تعداد میں اضافہ کیا جائے، تاکہ پی-33 سے اے 2 تک کے 12 اسپین کا کام وقت پر مکمل ہو سکے۔ انہوں نے واضح کیا کہ سیگمنٹ کاسٹنگ کی شرح کو مون سون کی مدت کے علاوہ مسلسل برقرار رکھا جائے تاکہ کسی بھی سطح پر تاخیر نہ ہو۔
چیف سکریٹری نے عہدیداروں کو ہدایت دی کہ وہ ایجنسی کی تجاویز اور اہداف کی ہفتہ وار بنیادوں پر نگرانی کریں۔ کسی بھی قسم کی تکنیکی رکاوٹ کو فوری طور پر حل کیا جانا چاہئے۔ انہوں نے سختی سے کہا کہ یہ پروجیکٹ شمالی اور جنوبی بہار کو جوڑنے والا ایک اہم پل ہے، اس لیے اس کی تعمیر کے معیار اور مئی 2027 تک تکمیل کی آخری تاریخ پر کوئی سمجھوتہ نہیں کیا جائے گا۔
سلطان گنج-اگوانی گھاٹ پل کے تعمیراتی کام کا جائزہ لیا
پرتیئے امرت نے پیر کو ریاست کے بڑے پروجیکٹ، سلطان گنج (بھگلپور) اور اگوانی گھاٹ (کھگڑیا) کے درمیان گنگا ندی پر 2x2 لین پل' اور اس کی اپروچ روڈ کے تعمیراتی کام کا تفصیلی جائزہ لیا۔
جائزہ کے دوران مسٹر امرت نے کام کی موجودہ رفتار پر اطمینان کا اظہار کیا اور اسے مقررہ مدت میں مکمل کرنے کی سخت ہدایات جاری کیں۔
میٹںگ کو بتایا گیا کہ پروجیکٹ کے تحت اپروچ روڈ کی تعمیر میں حال ہی میں تیزی آئی ہے۔ تاہم، مئی 2026 کی مقررہ تاریخ تک کام مکمل کرنے کے لیے موجودہ وسائل میں مزید اضافہ کرنے کی ضرورت ہے۔ پسراہا ریلوے اوور برج (آر او بی) کے بارے میں، بتایا گیا کہ سی ایس آئی آر سے ڈیزائن اور ڈرائنگ کی منظوری 10 اپریل 2026 کو حاصل ہوگئی ہے۔
مسٹر امرت نے جائزہ لینے والے اہلکاروں اور ٹھیکیدار کو ہدایت دی کہ مئی 2026 کی آخری تاریخ انتہائی اہم ہے، اس لیے اپروچ روڈ کی تعمیر کے لیے تعینات وسائل (وسائل اور مزدور) کی تعداد میں فوری اضافہ کیا جائے۔ انہوں نے ٹھیکیدار کی جانب سے سیفٹی آڈٹ رپورٹ جمع کرانے میں تاخیر پر سخت برہمی کا اظہار کیا اور اسے فوری جمع کرانے کا حکم دیا۔
مسٹر امرت نے پسراہا انٹر چینج اور ریلوے اوور برج سے متعلق زیر التوا معاملات کے لیے ریلوے اور مقامی پی آئی یو کے ساتھ مسلسل رابطہ رکھنے کی ہدایت دی، تاکہ انتظامی رکاوٹوں کی وجہ سے کام نہ رکے۔ انہوں نے واضح کیا کہ تعمیر کی رفتار میں اضافہ کرتے ہوئے پل کی ساختی حفاظت اور معیار پر کوئی سمجھوتہ نہیں کیا جائے گا۔
اس اہم جائزہ میٹنگ میں بہار اسٹیٹ برج کنسٹرکشن کارپوریشن لمیٹڈ کے سینئر افسران اور پروجیکٹ سے وابستہ انجینئرز اور ٹھیکیدار موجود تھے۔
منڈئی ویئر اور نہر نظام کے تعمیراتی کاموں کا جائزہ لیا
پٹنہ، 20 اپریل (یو این آئی) بہار کے چیف سکریٹری پرتیے امرت نے پیر کو محکمہ آبی وسائل کے زیر اہتمام منڈئی ویئر اور اس سے نکلنے والے کنال سسٹم اور متعلقہ ڈھانچوں کی تعمیراتی پیش رفت کا تفصیلی جائزہ لیا۔
232.83 کروڑ روپے کی لاگت والے اس اہم منصوبے کی موجودہ صورتحال کا جائزہ لیتے ہوئے چیف سکریٹری نے حکام کو کام کی رفتار اور وسائل کے انتظام کے حوالے سے اہم ہدایات دیں۔ جائزے کے دوران یہ پایا گیا کہ کئی مقامات پر مطلوبہ افرادی قوت اور مشینری (جیسے ایکسکیویٹر، ٹپر اور مزدور) کی تعداد مقررہ معیار سے کم ہے۔ چیف سکریٹری نے ہدایت دی کہ جائے وقوعہ پر وسائل کی دستیابی کو فوری طور پر یقینی بنایا جائے تاکہ کام کی رفتار متاثر نہ ہو۔ انہوں نے تاکید کی کہ مون سون شروع ہونے سے پہلے نہر کے نظام اور ڈھانچوں سے متعلق مٹی کے اہم کاموں اور لائننگ کے کاموں کو ترجیحی بنیادوں پر مکمل کیا جائے۔
جن علاقوں میں مٹی کی دستیابی کا مسئلہ ہے، وہاں متبادل انتظامات کو یقینی بنانے اور نقل و حمل کو آسان بنانے کی ہدایت دی گئی۔ چیف سکریٹری نے محکمے کے اعلیٰ حکام کو ہدایت دی کہ وہ باقاعدگی سے جائے وقوعہ کا معائنہ کریں اور ہفتہ وار پیش رفت کی رپورٹ شیئر کریں۔ انہوں نے واضح کیا کہ اس منصوبے کی تکمیل سے ایک بڑے علاقے میں آبپاشی کی سہولت میسر آئے گی، لہٰذا اس میں کسی بھی قسم کی تاخیر قابل قبول نہیں ہے۔ ٹینڈر کے عمل اور تکنیکی منظوری کے جو بھی معاملات زیر التوا ہیں، انہیں فوری طور پر حل کیا جائے۔